【韩网报道】韩国男团BEAST以五人之姿重新出发，将以新专辑《HIGHLIGHT》回归乐坛。虽然新碟喺下月4号先正式发售，但今日凌晨0时就率先喺网上公开抒情歌《BUTTERFLY》嘅音源，畀粉丝听住先。
BEAST嘅回归果然系劲！新歌一公开就立即横扫韩国5个线上音源榜嘅第1位，而到今早9点，新歌更横扫到8个音源榜嘅榜首。而粉丝为持偶像回归，喺微博开咗个「＃BEAST0704华丽回归＃」嘅话题，该话题样登上微博热门话题榜嘅第1位，力证BEAST嘅人气！
新歌《BUTTERFLY》以宁静嘅钢琴旋律、木吉他声揉合咗5名成员嘅声线，再配上成员龙俊亨填写嘅唯美动人歌词，令人相当感动。此外，今日凌晨公开新歌音源及，BEAST嘅官方YouTube频道同时公开咗新歌MV，而MV喺公开后8小时已经有50万点击率，高速上升嘅点撃率同样证明BEAST嘅人气。
而BEAST 5名成员亦相当识冧粉丝，?晚11点半就喺直播应用程式V App同粉丝一齐倒数新歌公开，而新歌公开后，各成员齐亦一一发Instagram叫粉丝多多支持，梁耀燮更喺Ig多谢韩国媒体对BEAST新歌嘅报道。
